Su tempus est passendi e su progetu Coru sardu est sighendi me is fainas de traballu e de avaloramentu de sa lìngua sarda po mori de unus cantu de atividadis in ispidali e de sa cuncordadura de materialis utilosus. Oi boleus cumpartziri cun bosàterus unu documentu chi eus aprontau po su repartu de cardiologia, chi serbit po donai ìndicus a is malàdius a pustis de s’arricòveru. Est una manera de ddus saludai e de ddus acumpangiai cun su sardu candu torrant a domu, cun sa spera chi abarrit biatza sa relata nàscia fintzas cun s’impreu de sa lìngua materna. Custu documentu est a disponimentu de is dotoris, chi dd’aciungint a cussu in italianu, po afortiai su sentidu de su progetu e lassai fintzas un’arregordu de su tempus passau impari.

Documentu