Su 13 de Cabudanni, a pustis de su pàsiu istadiali, torrant a cumentzai is cursus de formatzioni in lìngua sarda cun “Coru Sardu Imparat”. Custus cursus puru faint parti de su progetu “Coru sardu” – finantziau de sa Regioni Sardìnnia – chi, comenti eus nau a primìtziu, est nàsciu cun sa tarea de acuntentai s’abbisòngiu de is malàdius chi lompint a s’ispidali de is zonas de su Campidanu, de sa Marmidda, de sa Trexenta e de su Sarcidanu, e chi chistionant pruschetotu in sardu, e de melliorai sa manera de intrai in relata candu serbit a donai informatzionis craras in contu de saludi. Su progetu in custus mesis at portau a innantis unus cantu de atividadis po su personali e cun su personali, po circai de annuddai sa làcana intra de is chi impitant su sardu fitianamenti e is operadoris de sa strutura sanitària, amparendi innantis de totu su diritu a sa saludi e in su matessi tempus su diritu a s’impreu de sa lìngua materna.

Su cursu, adelantau cunfronta a cussu de primu livellu acabbau in su mesi passau de làmpadas, at a essi de 30 oras e s’at a tenni in duas editzionis. Is letzionis, partzidas in doxi atòbius de duas oras e mesu dònniunu, ant a sighiri duus oràrius: de is ùndixi e mesu a is duas de meigama po sa primu editzioni, e de is duas de meigama a is cuàturu e mesu de merì po sa segunda editzioni, pròpiu po favoressi su personali chi fait turnus de traballu diferentis. Su programma de su cursu punnat a afortiai cantu giai imparau e a ammanniai sa connoscèntzia de sa lìngua po s’impreu pràtigu in su setori sanitàriu e in sa comunicatzioni cun su pùblicu. Custa borta is cursus ddus ant a cuncordai in s’aposentu po is atòbius de sa Diretzioni Sanitària  P.O. in su segundu pranu de s’ispidali Nosta Sennora de Bonària, invècias chi in sa Mediateca comunali.

Custas funt is diis sceberadas po su cursu: 13, 21 e 28 de cabudanni; 5, 11, 19 e 24 de ladàmini; 2, 8, 14, 21 e 24 de donniasantu. Si po calchi arrexoni, acapiada a is localis, tocat a mudai dì, eus a donai sa nova cun tempus diretamenti a is discentis. Custa borta puru su cursu est acreditadu ECM e donat diritu a otenni is crèditus formativus po sa professioni. Su cursu est abertu a àterus traballadoris pùblicus; po s’assentai consillaus de intregai una lìtera de posta eletrònica a [email protected] inditendi nòmini, sangunau e nùmeru de telèfonu.

Settembre, riprendono i corsi di lingua sarda con “Coru Sardu imparat”

Il 13 settembre, dopo un periodo di riposo estivo, riprendono i corsi di formazione in lingua sarda con “Coru Sardu Imparat”. Anche questi corsi fanno parte del progetto “Coru Sardu” – finanziato dalla Regione Sardegna – che, come detto da principio, è nato con l’obiettivo di soddisfare il bisogno dei malati che giungono in ospedale dalle zone del Campidano, della Marmilla, della Trexenta e del Sarcidano e che si esprimono prevalentemente in sardo, e di migliorare il modo di comunicare quando è necessario dare informazioni precise sulla salute. Il progetto in questi mesi ha portato avanti una serie di attività per il personale e con il personale, per cercare di annullare la distanza tra chi usa il sardo quotidianamente e gli operatori della struttura sanitaria, tutelando in primo luogo il diritto alla salute e al contempo il diritto all’utilizzo della lingua sarda.

Il corso, avanzato rispetto a quello conclusosi nello scorso mese di giugno, prevede trenta ore e si terrà in due diversi orari. Le lezioni, suddivise in dodici incontri di due ore e mezzo ciascuno, sono previste in due edizioni: dalle undici e trenta fino alle due, e dalle due fino alle sedici e trenta del pomeriggio, proprio per venire incontro al personale impegnato in turni diversi di lavoro. Il programma del corso mira a rafforzare quanto già appreso e approfondire la conoscenza della lingua per l’utilizzo pratico nel settore sanitario e nella comunicazione con il pubblico. Stavolta i corsi si terranno nella sala riunioni della Direzione Sanitaria P.O. al secondo piano dell’ospedale Nostra Signora Bonaria, invece che nella Mediateca comunale.

Queste sono le date previste per il corso: 13,21 e 28 di settembre;  5,11, 19 e 24 di ottobre; 2, 8, 14,21 e 24 di novembre. Se per qualche ragione legata all’utilizzo dei locali fosse necessario cambiare qualche data, verrà data tempestivamente comunicazione ai parteciparti. Anche stavolta il corso è accreditato ECM e da diritto ad ottenere i crediti formativi. Il corso è aperto anche ad altri lavoratori del settore pubblico; per iscriversi consigliamo di inviare una mail a [email protected], indicando nome, cognome e numero di telefono.