ASL Medio Campidano
Tag: Coru sentidu e ammentu
Esàminis po su coru: s’eletrocardiogramma
Su Portalitu de lìngua sarda sighit a cumpartziri cun bosàterus parti de is materialis chi at aprontau impari a su repartu de Cardiologia ghiau de su primàriu Gianfranco Delogu. Oi bieus su documentu cun is ìndicus po fai l’eletrocardiogramma, unu de is esàminis prus de importu po averiguai sa saludi de su coru, ca est utilosu a ddu sciri spricai fintzas in sardu a is malàdius.
Coru, sentidu e ammentu: acabbaus is duus cursus de lìngua sarda
Ariseru, su 19 de mesi de Idas, funt acabbaus is duus cursus, intermèdiu e adelantau de lìngua sarda aprontaus po su personali sanitàriu de sa ASL de su Campidanu de Mesu, aìnturu de su progetu “Coru, sentidu e ammentu”. A is cursus, inghitzaus in su mesi de ladàmini passau, donniunu de trinta oras partzidas in 12 atòbius de duas oras e mesu, ant liau parti traballadoris de sa Asl e àterus traballadoris puru.
Infartu, calis funt is ìndicus po torrai a fai atividadis normalis
Sigheus a cumpartziri is fainas de su Portalitu de lìngua sarda “Coru, sentidu, ammentu” cuncordadas cun su repartu de Cardiologia. In custu documentu bieus calis funt is ìndicus chi tocat a sighiri, a pustis de ai tentu un’infartu, po lompi a lestru a fai atividadis normalis comenti traballai, ghiai sa vetura, biaxai, fai atividadi fìsìca.
Infartu: comenti torrai a una vida normali
Su portalitu de lìngua sarda de sa Asl “Coru, sentidu, ammentu” bolit cumpartziri cun bosàterus unus cantu de is fainas cuncordadas in custa annualidadi fueddendi de coru e donendi ìndicus de comenti torrai a una vida normali a pustis de ai tentu un’infartu, de calis mexinas pigai, de calis averiguamentus fai e de ita stili de vida tocat a sighiri po smenguai is arriscus acapiaus a custa patologia.
Àterus ìndicus po chi at tentu un’infartu
Su Portalitu de lìngua Sarda “Coru, sentidu, ammentu” sighit a cumpartziri cun bosàterus parti de is fainas chi at cuncordau cun su repartu de Cardiologia.
Ita tocat a sciri de s’infartu po amparai sa saludi de su coru
Su progetu “Coru, sentidu, ammentu” est lompedi a s’ùrtimu mesi de atividadi e comenti iaus impromìtiu a cumintzu, boleus cumpartziri cun bosàterus unus cantu fainas de is chi eus cuncordau in su mentris de custa annualidadi. Comenti scieis, meda de is materialis su portalitu ddus aparìciat sighendi is ìndicus de is dotoris o de àterus operadoris de setoris ispecìficus.
Funt inghitzendi is ùrtimus duus cursus de lìngua sarda
Su 24 de mesi de ladàmini torrant a inghitzai is cursus de formatzioni de II e III livellu, aìnturu de su progetu “Coru, sentidu e ammentu po s’imparu”, finantziau de sa Regioni Sardìnnia cun su bandu Tulis po s’amparu de is lìnguas de minoria.
Lìngua sarda: sighint is fainas de su progetu Coru sentidu e ammentu
Comenti eus giai nau, sa ASL nùmeru 6 est portendi a innantis su progetu in lìngua sarda “Coru, sentidu e ammentu” aìnturu de s’Ispidali N.S. de Bonària. Su progetu, finantziau de sa Regioni Sardìnnia, tenit sa tarea de afortiai s’impreu de su sardu me is relatas intra de operadoris sanitàrius, malàdius e àterus umperadoris, donendi-ddi valori e dinnidadi in su setori de sa Saludi.
Coru, sentidu e ammentu: torrat a partiri su progetu in lìngua sarda
De custa cida est torrau a cumentzai su Servìtziu de Lìngua sarda de sa ASL de su Campidanu de Mesu, chi fait parti de su progetu “Coru , Sentidu e Ammentu”, finantziau po mori de su bandu “TuLis” de sa Regioni Autònoma de sa Sardìnnia cunformas a sa L. 482/99 “Normas in matèria de amparu de is minorias linguìsticas stòricas ”e a sa L.R. 22/2018 “Disciplina de sa Polìtica Linguìstica Regionali”, chi amparant e avalorant is lìnguas de minoria in Sardìnnia promovendi-ndi s’impreu in dònnia logu de sa vida pùblica.