De custa cida est torrau a cumentzai su Servìtziu de Lìngua sarda de sa ASL de su Campidanu de Mesu, chi fait parti de su progetu “Coru , Sentidu e Ammentu”, finantziau po mori de su bandu “TuLis” de sa Regioni Autònoma de sa Sardìnnia cunformas a sa L. 482/99 “Normas in matèria de amparu de is minorias linguìsticas stòricas ”e a sa L.R. 22/2018 “Disciplina de sa Polìtica Linguìstica Regionali”, chi amparant e avalorant is lìnguas de minoria in Sardìnnia promovendi-ndi s’impreu in dònnia logu de sa vida pùblica.

S’operadori de su Portalitu, comenti a s’annu passau etotu, at a essi a disponimentu de is repartus de s’Ispidali “Nosta Sennora de Bonària” e de totu is àterus servìtzius e ambulatòrius presentis in su territòriu po calisisiat faina e materiali si bollat cuncordai in lìngua sarda. Su Portalitu, cun sa tarea de afortiai sa relata cun is utentis e de atendi a is abbisòngius insoru, at a essi abertu a su pùblicu su mèrcuris a mangianu de is noi oras a mesudì. Po dònnia giambamentu de diis e oràriu eus a ghetai su bandu in su giassu internet de sa ASL e in is pàginas Facebook e Instagram dedicadas a su progetu.

Ocannu puru, in prus de su Portalitu, eus a apariciai tres cursus de formatzioni po is operadoris sanitàrius, unu de primu livellu, unu intermèdiu e unu adelantau, sèmpiri a indonu. Totus custas informatzionis puru ddas eis agatai in su giassu internet. Ocannu in prus de su repartu de Cardiologia at a liai parti in manera prus ativa a su progetu fintzas su servìtziu de Neurologia cun una sperimentzatzioni chi pertocat sa lìngua sarda e su profetu chi iat a podi portai in fainas po sa riabilitatzioni de is malàdius. Ma de custa e de àteras novas acapiadas a su progetu s’eus a contai a bellu a bellu in su mentris chi ddas eus a portai a innantis. Po chini ndi bolit sciri de prus, fait a intregai una lìtera eletrònica a [email protected].

Coru, sentidu e ammentu. Riparte il progetto in lingua sarda della ASL

Da questa settimana è ripreso il Servizio di lingua sarda della ASL del Medio Campidano, che fa parte del progetto “Coru, sentidu e ammentu”, finanziato attraverso il bando TuLis dalla Regione Autonoma della Sardegna, conformemente alle Legge 482/99 “Norme in materia di tutela delle minoranze lingusitiche e storiche” e alla Legge regionale 22/2018 “Disciplina della Politica Linguistica Regionale” che tutelano e valorizzano le lingue minoritarie in Sardegna, promuovendone l’uso in ogni ambito della vita pubblica.

L’operatore di Sportello, come avvenuto lo scorso anno, sarà a disposizione dei reparti dell’Ospedale “Nostra Signora di Bonaria” e di tutti gli altri servizi e ambulatori presenti nel territorio per qualsiasi attività e materiale che si intenda realizzare in lingua sarda. Lo Sportello, con l’obiettivo di rafforzare il rapporto con gli utenti e tener conto dei loro bisogni, sarà aperto al pubblico il mercoledì mattina dalle nove a mezzogiorno. Nel caso di cambiamenti di giorni e orari verrà data comunicazione nel sito internet della Asl e nelle pagine Facebook e Instagram dedicate al progetto.

Anche quest’anno, oltre alla Sportello, verranno attivati, sempre gatuitamente, tre corsi di formazione per il personale, uno di primo livello, uno intermedio e uno avanzato. Anche queste informazioni saranno reperibili nel sito internet. Quest’anno inoltre, oltre al reparto di Cardiologia, prenderà parte in maniera più attiva al progetto anche il Servizio di Neurologia con una sperimentazione che riguarda la lingua sarda e il benificio che potrebbe portare nei percorsi di riabilitazione dei malati. Ma di questa e di altre novità legate al progetto vi racconteremo durante il loro svolgimento. Per chi volesse saperne di più, è possibile inviare una mail a [email protected].